എല്ലില്ലാത്ത കൂവൽ
രണ്ടു മുറി. രണ്ടും അറ്റാച്ച്ഡ് .ഒന്നു കൊത്തിയാൽ കൊക്കു നെറച്ച് വെള്ളം കിട്ടണ വാട്ടർ ലൈൻ .ഇരുന്നുണ്ണാൻ ഡൈനിങ് ടേബിൾ നിറച്ച് ഭക്ഷണം.നല്ല ശുദ്ധമായ കാറ്റും വെളിച്ചവും നിറഞ്ഞ അതീവ സുരക്ഷിതമായ ഇടം .മനുഷ്യന്മാർക്ക് പോലും ഇത്ര സൗകര്യം കിട്ടുന്നില്ല .വീട്ടിലെ കോഴിക്കൂടിൻ്റെ കാര്യമാണ് പറഞ്ഞ് വരുന്നത് .പത്തിരുപതിനായിരം മൊടക്കി അപ്പൻ ഒരു ഹൈടെക് കോഴിക്കൂട് പണിയിച്ച് പത്ത് പതിനഞ്ച് നാടൻ കോഴിനേം വാങ്ങിയിട്ടു .സുഖ സുന്ദരമായി ഉണ്ടുറങ്ങി വെറുതെയിരുന്നു മുട്ടയിടാനുള്ള വലിയ അവസരമാണ് കോഴികൾക്ക് സംജാതമായിരിക്കുന്നത് .പക്ഷേ, ഒരു കണ്ടീഷൻ. കൂടിന് പുറത്തിറങ്ങി മാന്താനുള്ള അനുവാദം മാത്രം ഇല്ല??..... .ഒരു കുറ്റവും ചെയ്യാതെ ഒരു ജയിലിനകത്തിരുന്ന് ഇങ്ങനെ പുറം ലോകം കാണാം! എത്ര വിചിത്രമായ ദുരന്തം ! സ്വാതന്ത്ര്യം ഒരു വിലക്കപ്പെട്ട കനി ആകുമ്പോൾ മറ്റുള്ളതെന്തും വെറുക്കപ്പെട്ടതായി മാറുന്നു ! ആദ്യമാദ്യം എല്ലാം നല്ല ഉഷാറായിരുന്നു .. അപ്പനും കോഴികളും നല്ല ടേംസിലായിരുന്നു .മാസങ്ങൾ കഴിഞ്ഞു .മുട്ടകൾ വീണു തുടങ്ങി .ആവേശം ഒന്നുകൂടി വർദ്ധിച്ചു.ഫുഡ് സപ്ലേ, വാട്ടർ സപ്ലേ ,വെറ്ററിനറി കൺസൽട്ടിങ്, മെഡിസിൻ , ക്ലീനിങ് ,എഗ്ഗ് കളക്ഷ